| تبليغات | X |
|
مثنوی پدر -تقدیم به مرحوم پدرم وهمه پدران کشاورز وزحمت کش گیلانی وجهانی کاربران محترم گیلانی -لطفا این مثنوی را تاانتها بخوانید چون شامل حال پدر محترم شما هم هست نازنین شاه چهاردیواری------------ *************** صبحدم بو-هوا ابری وعبوس بالا کلدا اوچابو خوانه خروس چهچه بولبولو قارقار کلاغ بشکنابو سکوته سنگینه باغ؟! تازه از دریا نیل پربزابو آسمان کالاچ مالاچی بوبابو سپیده منتظرآفتاب بو آفتابم درپس ابران خواب بو فلکه سینه پراز اندوه بو غم عالم اونه دوش چون کوه بو ابر فرصت نوکودابو بباره طاقتم ناشتی خوبارا بداره خانه تا چاشپره شورم بزابو صحرا تان خیمه ماتم بزابو دیل می شین غصه یه دنیایا دیچه پیر می شین خودوتاچومانا فوچه رعدوبرقی زه ئی درعمق می دیل کودمی ناله بصد زار وذبیل فارستی جان بلب می جانان کرا از دست شوئی می آقاجان ----------------------------------------- ناخبره جان پدرسیحه بوکود برسرمن غمه دنیایا فوکود پدراز درد دناله نوکوده طلب نان وپیاله نوکوده نه کولا خواستی نه نه شلوار نه قبا ده نوخورده تکانم ازخوجیگا نه تشر زه آمی سر -نه خنده به گمانم نوبو اصلا زنده من زفریاد برارو خاخوران بفهمستام کی بمرده آقاجان -------------------------------------- تا هوسا من اونا آرام نیدابوم ندخه هیچ کاری آرام نیدابوم وابرازه بیلا به دیوار هرگز اونه کاول ببه بیکار هرگز تا هوسا هیچکی نیدابو کی آجان بوخوسه تا بایه آفتاب صحرا تان حتی اون روز کی هوا باران بو اونه سر گرمه کج ونوغان بو صبح ویخ بندانو سرما وایاز پاپروسا تاچه زهئی بعدنماز شخم زدن -تا هرسه- باغ چائی خوک فرانی زبیجار خانه پائی جنگله وسط خانه چاکودان ۹تا زاکه شکما سیراکودان بایتیمی وستم پیلا بواعن مرد ونامرد ورجه دولا بوعن بوخوره تازیانه از ارباب بیدینه پنبه دانه یه درخواب هتو کم کم بوبوخه چون فولاد فارسه سن اونه شین تاهشتاد -------------------------------۳ حالا روقبله هاچین چنگرا به نفس گرم اونه شین تنگرا به بوشو از دست خدایا آمی پیر بوخوسه تا به قیامت گیله جیر بوشو از دست بوبوستا راحت ئی سه آی جانه پسر تی نوبت تونانی پیر- چی ئیسه جانه برار تی خدایه بخدا درهمه کار تو باید زاک بوبوخی تابدانی کی تی یاور ئیسه درزندگانی کی دخه جان خو پسر دختره ره نوکری کی کونه خو همسره ره کی ئیسه شاهه چهار دیواری کی کونه عایله یا غمخواری دیل بدریا کی زنه مثل پدر با دیل و جان کی ئیسه نان آور کو رفیقه کی بسوجه جگرش بشکنه رنج رفاقت کمرش چوم تی شین غیره پدر برکی دسه جز پدرمحرم اسرارکی ئیسه اشکه فرزندا نتانه بی دینه حتی اون روز کی خوچوما فوچینه --- -------------------------------------------- گوما بوسته گیله جیر می الماس نوکونم د پسری یه احساس بعدازین تکیه به که دوش بزنیم بی علم چوتو-تانیم جوش بزنیم هرچی بو حاصله بازوی پدر نوبو موروثی آ- ماوا -معجر ایا خو خوس بو نه باغ بونه بجار استحوان پوچاکودی زیر گومار عسا هرچی بو-نوبو ده زنده د دبسته بوبو اون پرونده نه فقط زاک وزوکا بنه یتیم بلکه لطمه بزه برسلک قدیم فاداخوتاب وتوانا به زمین هه زمین وهه هوا بو اونه شین دوشا گیفتابو مرا درکوچیکی حالا نیشته می دوشه سر الکی بورده با خنده وشوخی بر دوش بوبورم من اونا الان خاموش هه ئی از بازار کفش وپیراهن بیهینم من اونه کافور وکفن کت وشلوار وکتاب ودفتر بیهه یک عمر برای خوپسر نتانیم چارتا براران بوردان آقاجانه جسدا قبرستان آپا اوپاکرا تابوتا بوریم خلق آمرا کرا تابوتا بوریم کوهه بوردان نتانیم مگه کمه عینهو پیلدانه بقعا علمه اون چی بو تاریخه پیلدانه ورق قلعه روخان اونه پیشانی عرق گیل خو آبادیه بواون مدیونه دارو چوب از آقاجان ممنونه کرا شالی جسده دولا بوخه لاته چو سر گوله باقلا وابوخه خالی داران کی کوچی تر جه اوند اونه تابوته شکوفه فوکوند --------------------------------------- ان پا اون پا فارسیم قبرستان اونه کول خوفته هزار تاآقاجان مردگان دوکو-حورد از مرده اونه ره جا واکوند یکخورده هیچکسی مردانه خندانی دینه خودشه قبره نکندا نی دینه خلاصه مردا نخیم قبرمیان تانمازا بخوانید پیروجوان مرده سر بیله مره فوبوخه خاک خلوتی هرکی خوره زنه به چاک خانه شیم هرکی به فکر خودشه بعدازین کی آمی جورا بکشد تاسیانه زاکانه ره خانه بخدا دنیا مره تاسیانه آقاجان بوشو آمی نسلا دگاد آمرا النگ بزا یکهو بیگاد آمه آبرو اعتبارا دفناکود آمی بال وپرا وارجینا بوکود باز چور شو بخدا باغ وبجار مولائی بج نیه هر مرداکه کار هرچی سبزا کودابو زردا بوخه هرچی گردا کودابو -خوردا بوخه کونید ازدم همه یا کنفیکون دارو چوب حتی تل انبار وفاکون دخیم ازکف همه باغ وبجار آویرا به آجانه دارو ندار حالا ایوان واطاقه کشلاغ پوره ازکشکرد وجوجه کلاغ ئی تا خانه کما بو از کوکا کوکایم محوا بوخه تافردا فردایم نوبته تی آقاجانه آقاجان میرائی مرگ آمانه ------------------------------------- سروده:(روشن فومنی)-تهران۱۰دیماه ۷۸ *****************
|
About
آذر 1387 آبان 1387 مهر 1387 شهریور 1387 مرداد 1387 اردیبهشت 1387 بهمن 1386 دی 1386 آذر 1386 آبان 1386 Specific
بلاگ کد
فتو نایت
آپلود عکس
گالری عکس
انتخاب وبلاگ برتر
کد موسیقی لایت
قالب های نایت اسکین
LinkDumpCategories
برف میرزاکش |
