| تبليغات | X |
|
*********** (سگ سا زش کار) ئی روز مرا رحیم سگ فتورکس به سر- دی نی بوم-می دیلای بترکس؟! به تاختا- گی فتام- کی مرا- نی گیره کشکی بزا- می دنبالا -بدو-وس؟! بیدام کرا-خوره -می -لنگ و-پاچا جای دوستن-بوکودام پساقوس سگ بفهمس کی الکی بو می تاخت عقل وشعوره -سگی اش -اورامس خورا- بزا-به کوچه- علی چپ لوتیس کنان -بامو -مرا -دوارس جلوتر ازمن -سرادا-هرزه -لاو یانی-کی -باتو-نوبوما-فلان کس ------------------------------ ****************** ( غم داریم تاغم) تو فومنه جه مش رمضان بی کشتی گیره معروف زاکان بی توصاحب اسب ومادیان بی دارای دوتا دهنه-دکان بی گوسفندا-غمه جان و-قصابا غم پی ---------------------------------------------- تهران بی شی ازجهل جوانی تاخوب بوبوهه تی زندگانی تی کهنه ژیانا دترانی؟! تاازبقیه عقب نمانی ************* گوسفندا-غمه جان- وقصابا غمه پی *********************** آفتاب نزنه -د-نیل جه دریا بلبل نخوانه جه دشت وصحرا ادامه دارد
**********************************
--انگیزه اصلی -ثبت اسامی برخی ازآبزیان بومی وغیر بومی گیلان (ماهی گیری) ********* آب بامو رودخانه یا پراپور عی سپله باورد-سگه ماهی -کپور ایشغالو نوک درازه ماهی باورد دریا پیلا-بستا دانم آب بوبرد ************** سوف وسیه کولی و-وارکا بامو ازون برون -اوشین وگیلکا-بامو سفیده ماهی -بامو-ماهی آزاد ساس کولی -کاس کولی-باقباد ************************* شب اوسادم ماشک-بوشام رودخانه ماهی بیگیرم باورم به خانه می کوچا-تور سر- بامو ماشک اوشاد خوپیلا تورا-می توره-سربیگاد ************* بوگفتام آی بی شاخ ودم -غولای -جان تی پیلا ماشکا-ایزه اوشتر-فوشان **************** توکی ئی سی-بالاعجایب سم داری؟! بالاتنه گولا-مانی-دم داری؟! بوگفته عزرائیله- جان شکارم ماهی گیریم-مدتی یه-کنم ازبیکارم نصفه می-کارا-کرا ماشین کونه پیروجوانا-خوره دوجین کونه *************** نصفه یه- دیگرا -کونه- امریکا اون نام آویر-کی عیسه ینگه دنیا؟! (سمورآبی گیلان(شنگ)-ماهی خوارحرفه ائی-وب-گیلانیکا) جهان ببه دریا و-اون مثل شنگ مردم دنیایا-باورده به تنگ آزاده ماهی داره-خوصحراتان ئی سپله ره-دور-زنه-اندرجهان الهی کوفتا بوخوری گل آقا کپور خاش تی گولی یا-والاخا ماهی یه- آزاد-دره-خوصحراتان ئی سپله ره دور-زنه اندرجهان الهی کوفتا-بوخوری -گول آقا کپور-خاش -تی گولی یا-والاخا دست اخوت فادی با عموسام ببه ترا-خون عراقی حرام چپر-دگانید-همه پیروجوان پاراکونید-تی گوشه لاخا-زاکان می نانا-اجور-بوکودی-هیواری فانده مرا-جان تو-جان-پری؟!- ادامه دارد
********** ************** ( تعزیه خوان) ۱********* ********* پائیز روزان تعزیه به فومنات رودسرولنگرود وتولمات وابزنید خیمه وتخته کتام تا بکونید تعزیه خوانی مدام حرمله وشمر ویزید وخولی ژست گیرید دهاتی ره سوسولی پیسه تقی قماره جه سرآمد نغودبالله بوبوهه محمد(ص) تی لبا گازبیگیرجه اون ابوالفص ذاهار بکود مردمه دیل بترکص ایمام حسینا آوره جه کسما دادزنه عباس علی -عی سه ما ایمام حسینه بدلی رشتی یه مسلم قلابی باغه دشتی یه حیفه کی مسلم بوبوهه میرزالی حر بوبوهه کاس خانم مشتالی فنگی عاشور مسلم پیلاپسر مردمه گاوه طویلا شو به سر گردی یو هیرون کشه کوچی برار چمار سرامشتی یه هیچی ندار ۲****************** تیمور فومنی بوبوهه یزید بازار روزان فروشه ماهی سفید ارداله یوسف صومعه سرائی بجای خولی کونه خودنمائی شمره بدل جه انزلی غازیان ذهله کونید از اونه هیبت زاکان ۳********************** نوروزعلی مردخه ائی زینبه شبیه زن -مرداکه خیلی گبه اونم چی؟پیرزاله هفتاساله قوز بوکوده -فورجاقاسه مچاله شبیه لیلا عی سه -کورده پرویز سکینه یه -بدل ابوله گشنیز ممدلی ام- شبیه ام کلثوم نعمت شاهال ربابه زار ومظلوم حسن میکانیکم علی اکبره کوچی دانه متکایم علی اصغره ۴********************** استا عباده مادیان ذوالجناح بدرد خوره برای هردو جناح سیدعلی ام -امرو- یزیده سره فردا دی نی-سبز- کمر شال داره سیاه خلاف ملاف دوکوده حسن جه پشت خیمه آیه به ذی الجوشن الش واگردان بوهه- گاه وگدار توفیری ناره-وارد-و ناشی کار پیلاآدمانه بخداجاخورد زاک وزوکان به لودگی پی بورد آمیرزایم تعزیه کارگردانه شصت مرا لشکرا گر گر دانه؟! تا دینه تعزیه- کرا- اوچی ناخه شمشیرانه صدا بازم دی پی چناخه دعوا تماشا دوباره گرما-به مردمه دیل یزید ره -نرما -به *** *************************** صدای کرناف آیه از بقعه ور خوآمرا- غور غور- کونه- کبلا صفر کبلاصفرا- غیضا گیفته- هاچین می آمرا- گه- عی پچه- عاشانه- بی دین بهار کویا؟! لش داره تعزیه خوان بیجارا- اشکل بوکونه یا فوران پیلا سوفا- توم بوبوره- بجار سر پاپروس باغا- کاشت بوکونه- سراسر غیر ناهار- شوره کولی -بوخوره میوه ادا- تورشه هالی- بوخوره نوغانه برگا-فاگیره -لولمان پیله-واستی-پوچاکونه -استخوان شیر بدهه جاغلا بجار مرزه-سر زالو بوکوشه-خوتنبان درزه- سر دوهزار وده شی-بج وکج-بفروشه تعزیه خوان- چیره اونا-بدوشه؟! ***************** تعزیه خوان پائیزه حسنا دانه گیله کرات- سوکولی بوبوسته -خوانه تل انبارا شالی دره تاخردار گیلک تا-بج داره- نیه خبردار نصفا- واشهری بوبوره- هاچی نی نصفا کلاغ بوخوره با- چی چی نی نصفا بازار موج بوبوره -یالانچی نصفا آمیرزا بوخوره -قهوه چی نصفه دیگرا-بوخوره پهلوان خال بوکوبسته خرسه -افعی یا خو-جان آمان- چی پول- فادیم -به تعزیه خوان بیل نزه- کلنگ نزه -نده جان کشتی گیرا بورم فادم بهتره باعثه سربلندی یه کشوره اگر اونه هیکلا- قوربان بوشوم می بالاجاه-بازو بوخه قورقوشم ******************* تعزیه خوان وامتعهد ببه قمار بازو لات ومنافق نبه سالی چهار رکعت نماز بخوانه ایزه حدیث -ایزه مقتل -بدانه شرطه آمی امامانا-نی گیره مردمه روزیه ناحق -جی گیره ------ گیلک کرا بج بینه ماهه مرداد تعزیه خوان مسجده ور کشه داد گویه بزن طبل وشیپور بنه واز بین دو لشکر اختلاف بیانداز بعدا"-خودت بی نیش-تی ره-کناره درشته پولانا-بوکون شماره می زن وزاکان بوشاعید تماشا طبله صدا-ایشتاوا-داشتن نیشا می بج -اگر- چوت بزنه-جه باران وای به حاله شمره تعزیه خوان ----------------------- تعزیه خوانی برار جان گونایه واقف ماجرا-فقط خدایه خلاصه -کفره-اعمل -فومنی تو"روشن"ی چیره قوبیل نوکونی؟! ********************** سروده شده:اسفندماه۱۳۷۹-فومن ************************** ۱-(امنیت تعزیه خوان) ************** ********** عی سال بهار تعزیه به طالشان آب نهابو پیلدانه طشته میان جائی کی بو تعزیه خوانی مکان ردا بوحسته -جه اون ور روخان یزیدیان آب کرا خوردان دوبود لشکر حق تشنگی مردان دوبود شمر واناشتی آب بوخوره کسی قنداقه زاک جه تشنگی پرکسی ---------------------------- طالشان دیل خون ازاون ماجرا پیر وجوان همه کودینه حرا ناخبر عی دانه طالشه ساده دیل لوتیس کونه معرکه وسط با بیل بیل مرا شمر سرا خج کونه طشت آبا روی زمین کج کونه ایمام حسینا گویه آخر جناب تونم کرا زنی گبه ناحساب کوتا ناعی لج کونی آخر برار لوفته آب کشی جه اون نابکار رودخانه یا آب کرا شو پورا پور تشنه عی سی ایزه او-آبا واخور تی جاغلانا بوبورکنار روخان هوآب دره ها کهنه طشته میان ---------------------------- قصد وغرض ناشتی بیچاره طالش طالش دیل بسوختابو به حالش خیلی اگر تعزیه جدی ببه سرایشکنی اوشانه قسمت بوخه -------------------------------- ازاون زمات اویا نبه تعزیه الهی اون عمل تره پیش نایه ------------------------------- سروده روشن فومنی":۲۰آذر۱۳۸۰ ******************** یاده مرا برار هف هش ساله پیش تعزیه خوانی بوبابو-به رودپیش پشت مزار-شیر چاکونه آمیرزا پوست عجیب پوشانه عی تا-زاکا پوست پلنگ وببر وشیر وگوسفند وصله بزا همه به همدیگه بند *************************** زاکا گویه من کرا شوم اون پالی چن دیقه بعد تو آیی چارچنگالی تی نقش هانه -خیلی مواظب بوبو یواش بیا معرکه وسط -بوشو ------------------------ امیرزا شو-اوجغله تنها مانه توله سگه حوسناقا اونه دینه سگ نیدابو هیچم اوجوری حیوان هارا بوحه -هیواری به هراسان فوتورکه اون ببر وپلنگ و شیرا نانه کی چی جوخفته پوسته جیرا کنه یک لقمه زاکه رانه کشلاخ خونش فوران زنه کولاخو کولاخ حیاط مسجد مثل کربلا بو تعزیه خوانان صدا-هوابو هیچکی صدای زاکا نیشتاوسه تاودیشه سوزن به زمین فانرسه؟! ------------------------------------------ وقتی آمیرزا شه خو شیره دنبال دینه کرا زنه زمینا چنگال بغل کونه زاکا بوره به میدان هیچکی نانه از چی قراره جریان خلق خیال کوند کی رل بازیه وقته علی اکبر جان بازیه هیچکی نگه خون نایا زاکه گولی چیره آیا ازاون زیره بیلی؟! شیون مردم همگی هوابو حیاط مسجد مثله کربلابو بجای آب خون زچومشان فی به پولم مثله ولک درختان فی به گریه باور مردمانه لختا کون جانه آمیرزا کیسه یا پوراکون ------------------------------ هامیانه ناخبره زاکه آجان داسه مرا- صاف آیه خلق میان آمیرزا گردن پسه یا وارجینه اونه کلاهخودا هما دیرجینه آمیرزا و-زاکا بورد بهداری تعزیه خوانان به ژاندارمری خرج مداوایا فادد-جه دوران مابقیه به جیب زند ماموران ازاون زمات رودپیش نبه تعزیه الهی اون بلا تره پیش نایه --------------------------------- سروده:روشن فومنی:۱۰دی ماه ۱۳۵۵ --------------------------------- ۳-(سیه یعقوب وتعزیه خوانی ) هیچ ترا یاده سیه یعقوبه کار عی سال بوحه تعزیه خوانان یار مریضا به عی دانه تعزیه خوان یعقوبا گید بیا اونه جا بخوان یعقوب سیه هم ازخدا بخواسته یزیده لشکره ره به چکسته واگرده گه تعزیه خوان بو می پیر می سینه یا دوا رجز خوانی شعر ---------------------------------- شمشیر از- رو دبده با سپر سرخ کلاهخودکنار مرغ پر گوش دخه برنقش خودش موبه مو شیرا مانستن تره میدان بوشو حضرت قاسمه بدلا -والاخ یهو بوشو اونه مرا شاخ به شاخ دوتا زنی -عی تا هتو بوخوردی لوتیس کونی -فراری بی- واگردی فارسه نوبت به عی دانه دیگر بجزتو وابوکوشه چندتاکافر نوبت آخرم فقط می شینه می ضرب شصتا خلایق بی دی نه من بوکونم قاسم ذاما-شهید حجله خون بوبورم نزد یزید امروزه دوران* بخدا محشره *پولی که کارگردان دورمیزدجمع میکرد" قاسم تعزیه عی چی دیگره یعقوب سیه جان تو جانه تی مار سهو نوکونی-آب نزنی بیگدار *************************** خلاصه یعقوب سیه شو بمیدان کشکی زنه پیش محله زاکان شمشیرا گرگردانه دوره خوسر جای سپر زنه اونه مغزه سر ناخبره شو- اونه مرا- جان به جان راستا کونه بیچارا گیره به چان تورشه خیارا مانستن تاودهه قاسم کله دو-سه- جا عی شکهه سه پیل توکی: زنه -نوخور جوم جوما خایه وابینه قاسمه حلقوما قاسم عی جور زچنگ اون جیویزه فرارکونه-خوشلوارا-وامیزه ------------------------------------ دوباره یعقوب اوسانه شمشیرا لوتیس کونه دچارا به -اوشتیرا*ازافرادسیاه لشکر اوشتیرگویه کی من سیه لشکرم باتو یعقوب خان- سروکاری نارم یعقوب گویه باور-عی تا دیگرا جه پس قفا-وابینم اونه سرا نقش چیه -می چوما خون بی گیفته قاسم کوشتن می طمعا دکفته آبرو دارم بچه محله ورجا خلق کرا مرا کونید تماشا؟! -------------------------------- آمیرزا هرچی اونا جندر دخه شمشیرا ساب دخه-محل ننخه خلق همه هاهار-هاهار-خندخد تعزیه خوانان همه واگردخد؟! --------------------------- شمرآیه نزدیکا به به یعقوب اونه دوتا گوشا پلیذ-دهه خوب یعقوبا گه تی نقش اجور دع نوبو امرو آمی تعزیه آبرو بوشو --------------------------------- یعقوب سیه بدوو-وآمیرزا بدوو یعقوبه کلا خوره گیله قاتو ددارا-کونه یعقوبا دومشتی یعقوبه پیر گه -می زاکا بوکوشتی داسه مرا- وارجینه- آمیرزایا کی واپرسی-تعزیه گیری آیا؟! ---------------------------------- ازون زمات کلده نبه تعزیه الهی اون بلا تره پیش نایه ------------------------------------- سروده:روشن فومنی۲۰-آبان۱۳۷۹---------- -------------------------
به چه حقی این پرنده گان آزاد را درقفس زندانی میکنید(ویکتورهوگو) چرا ناحق این پرنده گان بیگناه را شکارمیکنید(روشن فومنی)
******************** ********************* :مرغ وماهی هردو جاندارند-امااین درآب -آن درهوا ****************** *********** شهرام که مرغابی شکار میکردی هیچ میدانی بااون چکارمیکردی؟! یک وعده شامی یه ساطوری میخوردی الباقیه شا -قیل نهار میکردی حتی با پرش بالشت نرمی چاکوده نازبالشی کی چوما خمار میکردی چون کار دیگر نداشت اون سگ آقاجان؟! اندرهمه عمر این سه کار میکردی کس ذهره نداشت اونه ایراد بیگیره چون گرگ آدم را لت وپار میکردی خودبا همه چیزو همه کس دست به یقه چون گاو هزار رقم -وانار-میکردی وقتیکه به مرغابی نظر می انداخت بی تیر وکمان اونا شکار میکردی من درعجبم که آدم است یا حیوان؟! کژدم هم ازون بشر فرارمیکردی عزرائیله مو هف هش تادرجانش بود تاخرخره برخودافتخار میکردی درخورجین خودنداشت غیراز گوزه گب آنرا شب وروز به مانثار میکردی با گب همه چی را سروسامان میداد اوسکول زبیانش انتحار میکردی چون تیرو کمانش سوی مرغابی بود می دونه گوشام میخ به دیفار میکردی "روشن "پرسید ازاوبه سگ لرزه- چیره؟! بامرغابی شرط خاش-؟ قمار میکردی؟! روشن فومنی:سروده شده در۲۵آبان۱۳۸۲ ۸۸۸۸۸۸۸۸۸۸۸۸۸۸۸۸۸۸۸۸۸۸۸۸۸۸۸۸۸۸۸۸۸۸۸۸ سروده زیر(شکارچی بیرحم) یشتر به خاطر ثبت اسامی پرنده گان غیر اهلی بومی ومهاجرگیلان است شکارچی بیرحم(۱) ساچمه اوسان باروت خوبه شاغلار پوره تفنگا والاهان تی یاغلار دریائی چکمه با کولوش ئی پشته وابیشته بج -خرسه نخود دومشته برف کرا شال دودا دواره پسکلا پوشتا نوکونی اجاره میرزا کوشه یقین عا برف وبوران شکار بامو جه سمت تاجیکستان ازفلاواشک"۱ وچوبراک"۲ وخوتکا"۳ چورته فلک ناخبره دپرکا کوله کنار کمین بوکون چون نظام اوخان بزن نره تورنگا "۴بزام هواشلختا"۵ فوتاری عالیه هزار تا موسه"۶ جا گمج خالیه **************************** هنر نیئه روز بشی باغ وبولاغ دام بنحی خیسه گومار سولاغ خاخاجی نسپره"۷ کولنگن بنی نسپره ره"۸ دام کمر ایشکن بنی گیز گیزه"۹ پا آبه میان یخ زنه می کوره خالو آونا گیفتان تانه برفانه ره"۱۱ دام بنحی خودبزن چولی"۱۲ سرا پیسا کونی بالگن کوادکا"۱۳ سر وابینی برف جیر تیهو" ۱۴وهوبرا"۱۵-کونی باهم اسیر یا"کی شی مین جیر"۱۶-شله پرکی گیری"۱۷ گیری رحما بنازم برا توچی گیری؟! خانه موس" ۱۸ونسپر ذاما"۱۹ گیری شانه بسر"۲۰-چنگر"۲۱ ودرنا "۲۲گیری پناه باورده- چی چی نی" ۲۳-تمشزار حمله کونی شبان اونا با آجار *************** شکارچی با عی پچه رحم بداره ذلیله مرغانه نوا فوتاره مرغی کی آسمان جله باغرور هزار تا ویشتر فوتاره مش غفور خلاصه "روشن" اونا گه شکاربان باز شکاری بتانه فوتاشتان سروده شده:۲۵آذر۱۳۸۰ -------------------------------------------- درشبی سردکه برفی سنگین آمده بود- یک خانه گالی پوش دروسط جنگل-دریکی از روستاهای شمال-زیر خروارها برف مدفون شده وهرآینه انتظار میرفت برسر۹نفراز ساکنان خود آوار شود اضطراب کودکی ۷ساله بعدازسالها بدینگونه منظوم میشود؟! --------------------------------------------------------- پدرمرحومم میگفت درگیلان زمین تقریبا" هر۱۰سال یک برف سنگین می باردکه گاه ارتفاعش به ۳-۴متر میرسدو"میرزاکوچک خان" سرداربزرگ جنگل درچنین برفی گرفتارومنجمد شد -ازآن ببعد افرادمسن گیلان برای -هربرف سنگینی :عبارت برف میرزا کش" رابکار میبرند ************** (برف میرزاکش)(۱) ************** *************** برف باره کیلو کلو یخ بزه داد سوکولو زمین وآسمان سفید پاره ببه هواخولو خانه آمی شین کولوشی کرا خوره تلوتلو می پیرگویه میرزا کوشا سروابینه قربان خلو می مارگویه فوگوردخه خانه رمضالی سولو پاپا نوئل صحرا موجه با ننه سرماکوتولو پیلا برارگویه میشین فرداگیرم سی تا چولو می مار اونا تشر زنه حساب نوکون جلوجلو بالا بروجه نردبان تافوردی خانه جلو -می مار گویه تی آقاجان عی سه مثله مارکوپولو دنیایا-دور بزا بامو خانه چاکود خرفه کولو ---------------------------------- *******************(۲) ---------------------------------------------- برف بامو تاشال دود به سانتی متر یعنی نود نشکسته خانه آمی شین بنده به یک علی مدد امان تلو تلو خوریم مثل کوئی توی جبد می مار وخان زنه همش یالله بوشو داما فوود بیست تاکواد-سی تا سیتی کمپوره دورا گردخد می پیر فوران زنه -همه دگردخد واگردخد هما شامی لامی کونه گویه چیره بامید بیخود وقتی پلا خوروش ناریم خوریم کلاغ وکیشکرد زاکان خورید ورورا بید پرتاکونید مشت ولگد می پیر زیر-گرم دگزه پسکلاپشت روی نمد گویه کی خانه چاکونم هف چومه درماهه اسد پیلا برار گویه -آجان انقذه لانتوز تانه ود به مثل کوری کی بوگوفت یک روز با مطلب خود فکر ی بوکودامه تره به شرط اینکه بشود؟! ----------------------------------------------- ۲۰اسفند۷۸-رشت روشن فومنی
|
About
آذر 1387 آبان 1387 مهر 1387 شهریور 1387 مرداد 1387 اردیبهشت 1387 بهمن 1386 دی 1386 آذر 1386 آبان 1386 Specific
بلاگ کد
فتو نایت
آپلود عکس
گالری عکس
انتخاب وبلاگ برتر
کد موسیقی لایت
قالب های نایت اسکین
LinkDumpCategories
برف میرزاکش |
**********
